اسمع صوت قلبي لو سمحت
امممممم
ده بيدق
آآآآآه ما أنا عارف إنه بيدق
أمال بيرقص بلدي
طيب قصدك إيه ؟؟
أنا قصدي اسمع صوت القلب .....
هوه ليه صوت غير الدق
دوم تيك
دوم تيك
أيوه يا بني آدم
صوت القلب الحقيقي ؟
أقولك إزاي
عمرك جيت في يوم فتحت عينك الصبح
وقلبك مقبوض
وحاسس إنك هتسمع حاجه مش ولا بد
وبعدها بساعة أو أقل تلاقي بيتصل بيك واحد يقولك
البقاء لله في فلان
مش وقت بكى دلوقتي
ركز معايا
عمرك جيت تدخل على المنتدى اللي إنته بتدخل عليه على طول
وقبل ما تفتح موضوع معين
حسيت إنه فيه رد مش ظريف هينرفزك
وفعلا تفتح
تلاقي واحد ابن حلال كاتب لك كلمتين
ينرفزوك على الصبح
عمرك بقى وإنته بره البيت
قلت أما اتصل بالبيت جايز يكونوا محتاجين حاجه
وفعلا تتصل تلاقيهم بيقولولك إنته فين تعالى بسرعة .........
أنا عن نفسي بتحصل لي
وبتحصل لي كتير
ومش كتير وبس
مش عايز أقول دايما
هوه ده صووووووووووووت القلب
المشاركات
ليست هناك تعليقات:
إرسال تعليق
علق لو عايز