إخلاء سبيل

في خطوة مفاجئة أمر النائب العام بإخلاء سبيل الدكتور عبدالمنعم أبو الفتوح
عضو مكتب إرشاد الإخوان المسلمين في مساء الإثنين , كما أفرجت مباحث
أمن الدولة عن 13 قياديا
من المتهمين في قضية
اتنظيم الدولي علي رأسهم الدكتور أسامة نصر الدين عضو مكتب
الإرشاد وعلي عبدالفتاح
وعصام الحداد فيما يتبقي
ثلاثة متهمين فقط علىذمة قضية التنظيم الدولي
علي رأسهم الدكتور أشرف عبدالغفار
أمين لجنة الإغاثة بنقابة أطباء مصر

جريدة الدستور المصرية

الجدير بالذكر : أن اليوم هو موعد الفصل في الطعن
المقدم من هيئة الدفاع في قضية الشاطر المحالة للقضاء العسكرى

يقول الشيخ محمد الغزالي رحمه الله:

لو أن امراءا حاول استرضاء الله
بنصف الجهد الذي يبذله في كسب المال أو التمكين في الارض,
لقطع مرحله رحبه في طريق الارتقاء الروحي والخلقي
ولو ان امراءا كره الشيطان ووساوسه بنصف الشعور الذي يكره
به ألألام والخصوم لنال من طهر الملائكة حظا,,,

ياقدس :: تعشقك المُقل

تقرير الطب الشرعي عن أبوزهري

>>أثبتت تحقيقات من قبل الطبيب الشرعي لجثة الشهيد أبو زهري الآتي:

1- توفي قبل 4 أيام من الاعلان عن الحادثة .
2- سرقة أعضاءه الداخلية و أحشاؤه لاخفاء آثار التعذيب .
3- التعذيب تركز على منطقة الرأس و البطن المناطق الحساسة
4- الشهيد تعرض لصدمات كهربائية عالية وشديدة جدا لفترات طويلة .
5- الشهيد فقد البصر منذ أكثر من شهر كامل قبل الوفاة .
6- لولا معلومات سرية أدلت بأنباء عن استشهاده لما علمنا بخبره حتى الآن .
७- تم تعرض الشهيد للتعذيب بكافة أشكاله ( نفسي و صوتي وبصري وجسدي و ......الخ )
8- الشهيد تعرض للضرب المبرح و نفخ الجسم بالهواء و الشبح و الحرق بالنار .
9- الشهيد أبو زهري تعرض لضربات شديدة في الرأس أدت لفقده الوعي عدة مرات و اختلال في توازن الجسم ।

لمن لا يعلم :: الشهيد تم اعتقاله في مصر من قبل مباحث أمن الدولة المصرية
ووقع تحت التعذيب لمدة أشهر ليحصلوا منه على معلومات عن حركة حماس و عن أخوة سامي أبوزهري
واعلن عن وفاته في الشهر الماضي نتيجة التعذيب الذي تعرض له على يد الضباط المصريين ولا حول ولا قوة إلا بالله

اللهم لا كِبر ..

مش من طبعي الكبر ولا التكبر على خلق الله ॥
اولا : إنها حرام وثانيا ॥ الحمد لله أنا لم اتربى إلا على حسن الصلة بالآخرين
ولكن بيبقى فيه اوقات بيضطر الواحد فينا إنه يلجأ للجزئية دي
وبتكون غصب عني ॥
إيه الموضوع
طبعا ॥ خلصنا كليه و اتخرجنا ॥ وقلنا وداعا يا مذاكرة ووداعا يا سكاشن
ولكن لسه النتيجة ما كانتشي ظهرت لسه
و قاعدين فاضيين هنعمل ايه ؟
قلنا نروح نجرب حظنا في أي شغلانه نتعلم منها حاجه
ففكرنا وقلنا نروح نشتغل في سلسلة صيدليات الطرشوبي
معايا
المهم حددنا موعد للمقابلة
و المفروض هنروح نقابل الدكتور وليد الطرشوبي
هيعمل معانا إنترفيو خفيف كده
ويوزعنا على الصيدلية اللي فاضية واللي محتاجه
كنا حوالي أربعة
وهوه محتاج ناس كتيرة جدااا ( كالعادة لان دايما الناس بتطفش منه لانه شغل الصيدليه
تقيل وفي نفس الوقت المقابل قليل جدا )
....
المهم نقطة زي دي مش مهمة بالنسبه لي أوي لاني هدفي من الشغل هوه
الخبرة مش الفلوس
::
رحنا هناك ... وانتظرنا حوالي ساعتين على ما دخلنا
وكنت آخر واحد دخلت لأني فضلت اسمع منهم كلهم علشان أكون مجهز نفسي
أول واحد خرج ॥ فوجئت إنه بيقول إنه اتعين في شفت من الساعة عشرة بالليل للساعة تمانيه الصبح
طبعا شفت (( زبالة ))
لانك هتروح تنام طول النهار وتقوم ترجع له تاني بالليل
تاني واحد نفس الكلام
والعيال مبسوطة ومش مصدقة نفسها
لقيت نفسي قفلت شوية من الموضوع بس لم أظهر ذلك
وكان في قرارة نفسي خلاص إني مش هأشتغل خلاص
وفي نفس الوقت عندي فضول "إني ادخل اشوف وليد الطرشوبي
وفعلا دخلت ولكن تعمدت أفشل المقابلة بكل الوسائل
و أهو نتعلم !!!
وبدأت اتكلم " بألاطة "
و " بعنتظة "
وتكلمت عن طموحاتي
وبأخطط في حياتي إن يكون عندي سلسلة زي اللي عنده
و إني تعليمي كله كان بره لغاية الثانوية
و إن فيه ناس بتنصحني أشتغل في شركات الأدوية ميديكال ريب لان شكلي مقبول
وهكذا حوالي يجي تلت ساعة والراجل يا عيني لا خاد حق ولا باطل
المهم في النهاية برضه عايز يشغلني عنده
وخلاص هيحدد الميعاد
فقال لي من १२ الظهر ل ८ بالليل
طبعا معااااااد لقطة
و آآخر حلاوة
قلت له بكل ألاطة : لاه انا عايز من १० بالليل للصبح ॥
طبعا كان هيشد في شعره مني
وفي الآخر قال لي طيب هأبقى اتصل بيك في خلال يومين
وطبعا لم يتصل
بعدها بيومين واحد صاحبي راح عمل معاه مقابلة
فسأله تعرف فلان ( اللي هوه انا ) قال له : أيوة
فرد عليه وقاله : وهوه ماله أنا حسيت إنه جاي
يعمل مقابلة وهوه مش عايز يشتغل أصلا ..
...

شرف كبير لي يا أستاذ أيمن

السلام عليكم ورحمة الله
تربينا على أن نكافئ غيرنا على قدر ما أعطونا
وأن نزيد على هذه القدر إن أمكن
لذلك كان هذا البوست المخصوص
للأستاذ أيمن ॥
وإن كان لا يمثل شئ أمام زيارتكم مدونتنا المتواضعة
نعم ॥ إنها زيارة تستوجب مني أن اتقدم بخالص الشكر لتواضع سياتكم وزيارة مدونتي
॥جزاكم الله خيرا ॥

يارب ارحمني ....

انصرف الناس

وهدأت الأصوات

وخشعت الأبصار

ولا تسمع إلا همس المسبحين

وأنين المتألمين

و صوت خرير دموع التائبين



ووجدت نفسي اكرر

اللهم لا تكلني إلى نفسي

اللهم لا تكلني إلى نفسي

اللهم لا تكلني إلى نفسي

ظللت اكررها ولا أدري لماذا ؟؟؟


ولما لا فإن الله إذا

ان وكل العبد الى نفسه وكله الى عجز وضيعة

وتفريط وذنب وخطيئة

وان وكله الى غيره

وكله الى من لا يملك له ضرا ولا نفعا

ولا موتا ولا حياة ولا نشورا

وان تخلى عنه استولى عليه عدوّه

وجعله أسيرا له. فهو لا غنى له عنه طرفة
عين ........
بل هو مضطر اليه على مدى الأنفاس في كل ذرة من ذراته ظاهرا وباطنا


يارب ارحمني .....

فـــارس غـــزة

كاميرا ديجيتال

أحسدهم 

واغبطهم 

و أتمنى ما عندهم من موهبة 

وإن كان عندى بعض منها 

إنهم أصحاب الصور  الجريئة 

أصحاب الكاميرات 

الرقمية منها و الغير 

من يرسمون بعدساتهم 

جمال الحقيقة 

جمال البعدين الاول والثاني 

وأحيانا الثالث 

ولكن .................. 

بعدما صليت الفجر .. 

جلست قليلا أتدبر ذلك المنظر الطبيعي 

داخل بيت الله 

خرج معظم المصلين 

ولم يبق سوى هذه القلة 

التي جلست تبتغي فضل الله 

وترتقب رزقه  في إيمانهم و أقواتهم و حياتهم ... 

لم يتجاوز عددهم الخمسة 

ما بين رافع يديه وعلى وجهه علامات الخوف والوجل من الله 

ومن نكس رأسه ::  كأسير بين ملك عظيم 

يخشى ان يبطش به 

أو ينزل عليه عقابه 

وثالث  على وجهه ما يشبه الحزن أو الخوف أو الوجل :: لا أدري 

ورابع يسبح في ملكوت الانس بالله 

تذكرت مقولة أبو سليمان الدارني وهو يقول : 

أقرب ما يتقرب به إليه أن يطلع على قلبك

 وأنت لاتريد من الدنيا والآخرة غيره جل وعلا . 

نظررت إلى نفسي وقلت لنفسي : وأنت ؟؟؟؟ 

فنكست رأسي وقلت لنفسي : يكفيك أن رايت هؤلاء 

فمن أنت لتكون واحد منهم 

و عندها تمنيت أن يكون بين يدي " كاميرا ديجيتال " 

من نوع خاص  لا تكتفي بتصوير الأشخاص والأماكن 

ولا تكتفي بتصوير البعد الأول والتاني والثالث 

أردت ان أحتفظ بصورة منها 

أنظر  إليها كلما فتر إيماني 

أو قلت عزيميتي 

ولكني أيقنت أنها  لم تخرج للوجود بعد امثال هذه الكاميرا 

ولكن بقليل تفكير  اكتشفت انها 

محمولة 

بين جوانبنا 

إنه القلب  :::::::: كاميرا الإيمان 

معنديش بنات للجواز

احم .. احم .. 

الموضوع محرج بس ندخل فيه على طول 

طبعا كل الطكاترة اللي زي حالاتي كده 

الناس بتبص لهم البصة اللي هيه 

آآآآه راجل صيدلي ومسيرة بفتح صيدلية 

أو يشتغل في اي شركة 

ويكنزهم على قلبه قد كده 

وفيه نظرة كمان جمب نظرة الرضا اللي فاتت دي 

نظرة إنك عمو الخبير اللي تعرف كل حاجه 

_ أعوذ بالله _ 

على الأقل عارف كل حاجه في الصيدلة و الطب 

و الأمراض 

فطبيعي إنك لما تتسأل لازم تجاوب 

امممممممم وبعدين في المشكلة دي ؟؟ 

زمان  أول ما دخلت الكلية 

كنت باهرب بحيلة حلوة اوي في الموضوع ده  

اللي هيه إيه ... 

لو واحد جاي يشتكي لك من عنيه .. كنت تقول بالفم المليان 

آآآه أصل العنين هناخدها في  سنة تانيه 

ولو ركبه بتوجعه : معلشي والله أصل هناخد الركب في سنة تالته 

ده على أساس إني في كلية المصمته مش كلية الصيدلة 

عموما كانت بتعدي 

ولكن دلوقتي انا في البكالورويس 

وفاضل ليا 30 يوم وابقى صيدلي 

وفعلا ما خدناش حاجه في الكلية أخرج بيها للناس 

حاجه تكسف والله 

طيب دلوقتي لو حد قالي لو سمحت يا دكتور وداني بتوجعني 

هأقوله إيه  

هأقول : 

آسف يابني .. معنديش بنات للجواز 

يا دكتور أنا جاي طالب استشارة طبية مش طالب إيد بنتك 

والله يابني 

الإتنين مستحيل تاخدهم 

لأن أنا معنديش بنات 

وفي نفس الوقت ما عنديش معلومة أقولها لك 

معنديش حاجه أقولها على الرغم إني كنت بأجيب جيد جدا 

و ذاكرت فارما 

وفيتو

و  ميديسنال

وبارا 

وباثولوجي 

و توكسو 

و بيو 

كان ناقص ندرس نحو و بلاغة 

في النهاية 

دعني أقول ::: 

عماااار يا مصر 

بيلعب في الشارع من الصبح 

 ممكن تنادي لي عليه 

heeeeeee !!!

الدقة خردلية ....

كان على عهد رسول الله (ص) رجل يقال له "ذو النمرة" وكان من أقبح الناس،

 وإنما سمي ذا النمرة من قبحه

 فأتى النبي (ص) فقال: يا رسول الله أخبرني ما فرض الله عزّ وجل علّي 

 فقال له رسول الله (ص) فرض الله عليك سبع عشرة ركعة في اليوم والليلة

 وصوم شهر رمضان إذا أدركته والحج إذا استطعت إليه سبيلاً

 والزكاة وفسَّرها له

 فقال: والذي بعثك بالحق نبياً ما أزيد على ما فرض عليَ شيئاً

 فقال له النبي(ص) : ولم يا ذا النمرة

 فقال كما خلقني قبيحاً

 قال: فهبط جبرائيل(ع) على النبي(ص) فقال يا رسول الله

 إن ربك يأمرك أن تبلغ ذا النمرة عنه السلام

 وتقول له: يقول لك ربك تبارك وتعالى: أما ترضى أن أحشرك 

على جمال جبرائيل(ع) يوم القيامة،

 فقال له رسول الله (ص)، يا ذا النمرة هذا جبرائيل يأمرني أن أبلغك السلام ويقول لك ربك 

أما ترضى أن أحشرك على جمال جبرائيل،

 فقال ذو النمرة: فإني قد رضيت يا رب فوعزتك لأزيدنك حتى ترضى.

هذا العدل وهذه الدقة في 

توزيع النعم 

أما تستدعيك لتفكر 

في ما قدمته لشكر نعم الله 

عليك 

يارب عاملنا بفضلك لا بعدلك ...

كفرت بالشعر

كفرت بالأقلام والدفاتر ....
كفرت بالفصحي التي .....تحبل وهي عاقر ...!!! 
كفرت بالشعر الذي لايوقف الظلم ولايحرك الضمائر ....
لعنت كل كلمه ....لم تنطلق من بعدها مسيره .....
ولم يخط الشعب في آثارها مصيره ...
لعنت كل شاعر ينام فوق الجمل النديه الوثيره......
وشعبه ينام في المقابر ....
لعنت كل شاعريستلهم الدمعه خمراً.....
والأسي صبابه والموت قشعريره .....
لعنت كل شاعر يغازل الشفاه والأثداء والضفائر ....
في زمن الكلاب والمخافر ....
ولايري فوهة بندقيه ....
حين يري الشفاه مستجيره ...!!!
ولايري رمانه ناسفه .....
حين يري الأثداء مستديره !!!!!
ولايري مشنقه .....
حين يري الضفيره ...!!!!
في زمن الآتين للحكم ....
علي دبابة أجيره .....
أوناقة العشيره ....
لعنت كل شاعر ....
لايقتني قنبله ....
كي يكتب القصيده الأخيره ...!!!

أحمد مطر

صورصار

الموضوع موضوع تخيل

تخيل حضرتك جاي من بره ميت من العطش

وجريت على المطبخ أو على التلاجه

علشان تجيب أقرب كباية ميه ساقعه تشربها

وفعلا وجدتها

وساقعه تلج

وبدات تحطها على يؤك

فجاة ضربت بعينك

في الكباية من تحت

لقيت فيها سورسار ميت

لأه مش ميت وبس

ده ميت ومتقطع جوه الكبايه

ممكن تمعل إيه في اللحظة دي

أقلها

هترمي الكباية على الأرض وتفشفشها

أنا آسف هوه المثل مقرف شويتين تلاته

طيب ممكن نقيس على المثل ده

في علاقتنا ببعض

ممكن تكون بتحب واحد صاحبك أوي

وهوه بمنزلة أخوك

قلبك وروحك

وعينك

وحتة من هارتك

لا يمكن يطلب منك حاجه وما تقدمهاش له

ممكن يطلب منك طلب

يكون في تنفيذ الطلب ده حياتك أو سمعتك للخطر

ولكن عمرك ما تأخرت

حتى لو طلب عنيك

والأمر من كده

إنك ممكن تكون بتنام وتصحى وصورته قدام عينك

ما بتفارقهاش لحظة

بل كل رسايله اللي على موبايلك عملت لها فولدر مخصوص ليها

بل الاكتر من كده خلفية شاشة الكمبيوتر بتاعك صورته

ولكن

وبعد هذا كله

اكتشفت

إنه

كل

ما يقعد في مكان بيجيب سيرتك بالسوء ويغتابك

ويقطع في لحمك

ممكن تعمل فيه إيه

أقل حاجه

رصاصة بربع جنيه

وتتاويه

امممممممممممممممم

متهيألي المثال ده مقرف عن المثال الأول خمس ست مرات

طيب نقيس المثالين دوووووووول على حاجه أكبر من كده

بكتير

ربنااااااااا

ايوه

ربناااااا

ربنا اللي خلقك

و رزقك قلب يدق من غير ما تسأل

ورزقك رئة بتتنفس من غير تطلب

وخلاك معافى في بدنك في حين إن هناك ملايين الأشخاص في العالم

عندهم ( سرطانات / و شلل / و بتر في أطرافهم / و تخلف عقلي )

ولكن إنته ربنا فضلك عليهم وخلاك معافى

لأه

وكمان

رزقك كليه محترمه

والناس بتبص لك بصة إحترام

الدكتور راح والدكتور جه

ده غير إن خلى شكلك جميل في حين إن فيه ناس

بتعمل عمليات تجميل بالملايين علشان يعدل حاجه في جسمه ربنا حرمه منها

وفي الآخر

برضه بنجد انفسنا

عندنا إصرار

إننا نضع

صراصير المعاصي في كوب التوبة الرائق

ولكن على الرغم من كده

ربنا ما انتقمشي منك زي ما حضرتك عملت في الكباية

او حتى زي ما عملت في حبيبك

لأه

ده بالعكس

زادك من نعمه

ربنا كريم أوي

وعفوه عفو ملك مقتدر

ولكن اتق غضب العفو ...........

لانه إذا غضب .................................................؟

اللهم سلم سلم

ولا تعاقبنا بذنبوبنا