دولة الإمارت العربية المتحدة
دولة عربيه صديقة
وغنيه
ودولة حديثة
قضيت بها حوالي ست سنوات من عمري
بإختصار : سنه أولى وتالته ورابعه إبتدائي
وأولى وتانيه وتالته ثانوي
أولى إبتدائي
طبعا قمت الصبح زي الشاطر كده لأن نومي خفيف من صغري بفضل الله
وطبعا والدتي ربنا يديها الصحة حضرت لي الفطار عشان آكل واتبسط ( الواد رايح المدرسه ) وبعدين لبست الزي بتاع المدرسه وهو بإختصار
جلابيـــــــــــــــــــــــــــــــــــــــــــــــــــــــــــــــــــه بيضاء
طبعا أول يوم طبعا مش هأعرف أروح لوحدي
لازم حد يجي معايا
والدتي طبعا جات وصلتني
لغاية المدرسه
اللي كان إسمها مدرسة إبن زيدون الإبتدائيه
وأكيد طبعا كنت بسأل نفسي : يعني أيه
ابن زيتتتون ده
لغاية ما كبرت وعرفت إنها ابن زيدون مش زيتون
المهم: دخلت المدرسه مع والدتي
كلي براءه وطيبه و(( بلاهه)) ودخلنا لمدية المدرسة اللي رحبت بوالدتي جاامد
جدا
جدا
وطبعا دار بينهم حوار زي ما يكونوا كانوا عارفين بعض من خمسين سنه
وانا طبعا مش في دماغي وقاعد وديع وهادي على الكرسي وعمال أبص على صورة الراجل
اللي على الحيطه
واللي شفتها في خمسين حته قبل كده
برضه بعد كده عرفت إنها صورة الشيخ زايد رئيس الدولة
وفي نهاية الحوار النسائي بتاعهم
والدتي أخذتني لواحده في المدرسه
إسمها أ/ منى السكار
وقالت لي إن دي مدرسة الفصل اللي هتديك طول السنه
وطبعا دخلوا في حوار نسائي تاني
حوالي شويه شويتيين مش فاكر
المهم والدتي المفرض هتسيبني مع المدرسه وهتمشي
طبعا
وبكل
رجوله
قعدت أعيط
لأ ه انا عايز أروح
مش عايز أقعد هنا
مش عايز أقعد هنا
وطبعا أ/ منى مسكتني من إيدي وقعدت تطب طب عليا ( على فكره هي إماراتية الجنسية ) وأقعدت تهديني
وأخذتني معاها الفصل
اللي مفروض هاقعد فيه طول السنه
أولى اول
لا يمكن أنساه
الفصل حوالي خمستاشر طالب بس
ومكيف وهادئ مع إننا كنا عيال
وبدأ أول يوم من الدراسه
واللي فاكره كويس جدا
إن كان شكلي مميز في الفصل
لأني كنت قلبوظه
و أبيض
وهادي جدا
وقاعد في الاول
وشاطر
كفايه كده النهارده ونكمل إن شاء الله الأسبوع الجاي
المشاركات
السلام عليكم ورحمة الله بركاته
ردحذفحقا ذكريات مشوقه ذكرتني بما مضي ولكني كنت بالسعوديه " مسقط رأسي " وكانت
ايـــــــام وياليتها تعود
...أسلوب حقا رائع ومشوق وننتظـــر أيـــــام ذكريات البكلوريا واللهم متعنا باقواتنا أبدا ما احيينتا
واجعله الواراث منا اللهم امين .....بروكتم
ودمتم في اشتياق للذكريات
ــــــــــــــ
زيارتي الاولي وباذن الله ليست بالاخيره
تقبلوا مروري
أختكم : ريمـــــا
جزاكم الله خير على المرور
ردحذفوإن شاء الله نكمل قريبا